तो राजहंस एक .....

​कालचा भारत पाकिस्तान ची T  20 चा सामना ज्याने बघितला नसेल तो कमनशीबीच समजेल मी .कालच्या सामन्यासाठी सगळी बिरुदे अपुरी थिटी ठरतील असा ha सामना. 

विराटची खेळी पाहतांना का त्याला सर्व स्रेष्ठ समजावे हे कळले .कमालीचा आत्मविश्वास ,एक प्रकारचा जिद्दी आत्मविश्वास .मी हे करू शकेल असे नव्हे तर मी हे करणारच अन हेच माझे काम आहे. बापरे ....त्याच्या प्रत्येक कृतीतून हे ठळक पणे व्यक्त होत होतं .

आमच्या पिढीने तेंडुलकरला पाहिलेला ,त्याची खेळी अशीच पण मला एक सूक्ष्म फरक नमूद करावासा वाटतो.तेंडुलकर असाच सर्वोत्तम सार्वकालीन ,प्रचंड अपेक्षांचं ओझं घेऊन वावरणारा .मी तर म्हणेन असे ओझं व्हायची कोणाची कुवत नाही अन असे अपेक्षांचं अक्षरशः संपूर्ण भारतीयांचं अपेक्षांचं ओझं tyane वाहिलंय .म्हणजे सगळी टीम जरी परतली अन तेंडल्या असेल तर प्रत्येक भारतीय निश्चिन्त असायचा कि सचिन आहे ना .पण आज मला जरा वेगळं सांगायचं आहे .

सचिन जरी अश्या परिस्थितीत कूल असायचा ,tyachya खेळी त सच्चाई असायची ,जिंकून देऊ अशी त्याची तळमळ असायची परंतु त्याच्या कडून अशी खेळी कधीतरीच भेटली बघायला .आता विराटला घेऊ ,सचिनचे जे काही गुण  मी सांगितले ashya परिस्थितले ,सगळे सेम परंतु या पुढे विराट चालू होतो .विराटकडे भयंकर जिद्द आहे अन हट्टीपणाही कि मी हा सामना जिंकणार ....किंबहुना हे माझे कर्तव्य आहे .अन अश्या प्रतिकूल परिस्थितीत त्याची खेळी अधिकच बहरते .

सचिनचा मी निस्सीम चाहता आहे परंतु विराट एका पावलाने त्याच्यापेक्षा सरस आहे हे मी मानतो .

असो

कालच्या सामन्याने बऱ्याच गोष्टी साध्य केल्यात.ऐन दिवाळीच्या तोंडावर सर्वसामान्य माणूस महागाईने पिचलेला होता ,हंगर  इंडेक्स मध्ये भारताची पीछेहाट ,डॉलर च्या तुलनेत खोल गर्तेत गेलेला रुपया असे अनेक नैराश्य पसरवणाऱ्या वातावरणात विराटची हि खेळी एक आश्वासक फुंकर आहे ,एक दुर्दम्य विश्वास आहे कि जाईल हि पण वाईट परिस्थिती सरेल . अन प्रत्येक भारतीयाला ha संदेश आहे कि स्वतःच्या हिमतीवर विश्वास ठेवा ,कितीही प्रतिकूल वातावरण असू दे ,स्वतःवर विश्वास अन ताबा असेल तर सहज ह्या परिस्थिती वर आपण विजय संपादन करू.

या दशकातील या खेळीला सर्व स्रेष्ठ  मानतो मी.त्यात तिला भारत पाकिस्तान हा विशेष कंगोरा आहे.

शेवटी जाता जाता विराटच्या खेळी बद्दल एकच म्हणता येईल ...शानदार ....जबरदस्त .....झिंदाबाद ....

दीपावलीच्या सर्वांना हार्दिक शुभेच्छा.....

विवेक पगारे 

पुणे -21