म्हणजे तशी नव्हे...
आता तुम्ही विचाराल की काय बोलतोय कळते का...?
अरे हो जरा दमाने घ्या..
मला म्हणायचंय की ती तशी खूप खट्याळ,बोलकी अन स्वप्न वेडी...
पण झालं असच काहीतरी
तर ही झाली एकदम गंभीर अन अबोल
खरं तर ती गंभीर नाही कधीही
पण परिस्थितीने अन तीच्या व्यक्तिमत्वाने तिला अबोल केलंय..
म्हणजे बघा, ती पूर्वी गुंतलेली कामात अन त्यामुळे ती व्यस्त तसेच आत्मनिर्भर...
परंतु येन केन कारणाने तिचे काम गेले, अन तिला सगळेच सुनेसुने वाटू लागले
सवय तिची स्वावलंबी
त्यामुळे तिला रिकामे कसेसेच वाटायचे
अन या सगळ्याचा परिपाक तिच्या बदलण्यात झाला
अन विशेष म्हणजे ह्या एवढ्या बदलाची कुणीही दखल घेतली नाहीं तो एक वेगळाच मनस्ताप...
हळूहळू स्वभाव अबोल अन गंभीर झाला
खुलायची बरका ती तशी वातावरण खेळकर असतांना
परत काही आठवल्यावर बावरायची अन पुन्हा जायची स्वमग्नतेत.....
स्वाभिमानी असल्याने तिला माहिती की तिला जमणार नाही इतरांसारखे काहीही घर बसल्या उट पटांग कामे करायला..
त्यामुळे कोमेजूनच गेली ती....
ठीक आहे,पण नको करू एवढा मनस्ताप
मला खूप वाटते तिच्याबद्दल,पण हा समाज...
असू द्या,या जन्मी नाही पण पुढच्या जन्मी तर हक्काने वरेल तिला ....
कोणत्याही टिप्पण्या नाहीत:
टिप्पणी पोस्ट करा